Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Sarrera ebazpena

Hautagai guztiek posta elektronikoz jasoko dute eskatutako aukeren ebaluazioa, lehentasunaren hurrenkeran (esperientziak esaten digu erakundeetako helbide elektronikoek SPAMtzat har ditzaketela Deustuko Unibertsitateak bidal ditzakeen mezu kolektiboak). Zure aukeretako bakoitza ebatzi ahala, norberaren eskaera zein egoeratan dagoen kontsultatu ahal izango duzu, helbide honetan: www.deusto.eus/idazkaritzabirtuala

Sarrera-eskaeran adierazitako aukera bakoitzerako, egoera hauek eman daitezke:

  • Eskatua: Ikasleak sarrera-eskaera aurkeztu du eta izapidetzeko zain dago.
  • Baliozkotzat emana: Eskaera izapidetzea onartu da eta ebazpena emateko zain dago.
  • Ez onartua: Ez da eskaera izapidetzea onartu, sarrerako baldintzak betetzen ez dituelako edo osatu gabe dagoelako.
  • Eskaera osatugabea: Eskaera izapidetu gabe dago osatu gabe dagoelako. Hautagaiarekin harremanetan jarriko gara behar dena erreklamatzeko.
  • Onartua: Ikaslegaiak ebaluazio positiboa izan du eta ikasketa horietan sar daiteke.
  • Ezezkoa: Ikaslegaiaren eskaerak ez du aldeko ebaluaziorik jaso, ikasketa horietan sartzeko profila eta gainerako hautagaiak kontuan hartuta.
  • Itxarote-zerrenda: Itxarote-zerrendan egoteak esan nahi du ebaluazioa ez dela behin betikoa eta eskaera berriro aztertuko dela, prozesuaren hurrengo faseetan.
  • Onartua baina balioa galduta: Onartua izan ondoren, tokia gordetzeko nahitaezko ordainketa egin ez duen hautagaiak ikasketa horietan zuen tokia galduko du. Hortaz, ikasketa horietan ezin izango du Onarpen Gutunik lortu.
  • Matrikulagarria: Hautagaia onartua izan da eta Onarpen Gutuna jaso ahal izango du, onartua izan den lehenengo aukeran. Onarpen Gutuna beharrezkoa da matrikula egin ahal izateko. Tokia Gordetzea nahitaezkoa den ikasketetan, tokia gordetzeari dagokion zenbatekoa ordaindu beharko du, Onarpen Gutuna jasotzeko. Deustuko Unibertsitateak ikaslegai bakoitzari Onarpen Gutun bakarra emango dio, lehentasunen hurrenkera aintzat hartuta, eta, beti ere, ikasketa bakoitzak zehaztutako berariazko baldintzak, egongo balira, betetzen baditu.

Garrantzitsua: Onarpen Gutuna matrikula egin arte gorde behar duzu.

Ebazpen egutegia

1go Fasea

  • Urtarrilaren 15etik otsailaren 28ra: Sarrera eskaera aurkeztu
  • Martxoak 22: Sarrera ebazpena
  • Apirilaren 5erarte: toki gordetzea egiteko azken eguna
  • Ekainaren 12tik uztailaren 19ra: matrikula

2. fasea

  • Martxoaren 1etik 29ra: Sarrera eskaera aurkeztu
  • Apirilak 17:  Sarrera ebazpena
  • Apirilaren 30erarte: toki gordetzea egiteko azken eguna
  • Ekainaren 12tik uztailaren 19ra: matrikula

3. fasea

  • Apirilaren 1etik 30era: Sarrera eskaera aurkeztu
  • Maiatzak 15: Sarrera ebazpena
  • Maiatzaren 31rarte: toki gordetzea egiteko azken eguna
  • Ekainaren 12tik uztailaren 19ra: matrikula

4. fasea

  • Maiatzaren 2tik 31ra: Sarrera eskaera aurkeztu
  • Uztailak 14: Sarrera ebazpena
  • Uztailaren 19rarte: matrikula

Matrikulagarria” ebazpena lortu duen ikaslegaiak, Open Deusto posta elektronikoko kontu bat sortzeko gonbidapena jasoko duzu. Une horretatik aurrera, kontu horretara bidaliko dizkizugu Unibertsitateko komunikazioak.