3 bekatarako deialdia egiten da, 2021-2022 ikasturtean, Filosofia, Politika eta Ekonomiako graduko edo aipatutako graduko eta “International trade skills” titulu propioko prestakuntza programa konbinatuaren lehenengo mailan matrikulatzen diren ikasleentzat.

Deialdi honetako bekak edo laguntzak diruzkoak izango dira, hau da, urtean 3.000 euroko laguntza emango da eta era proportzionalean aplikatuko dira Unibertsitateak urritik maiatzera kobrantzarako pasatuko dituen hilerokoetan.

Beka hauek erakunde publikoetako deialdi orokorretakoekin bateragarriak dira. Hori dela eta, eskatzaileek biak eskatu beharko dituzte derrigor.

Asmoa da ikasleei beka ematea graduko lau mailetan. Hala ere, emango diren laguntzek urtebeteko indarraldia dute eta berritu egin daitezke hurrengo mailetan.

Beka berritzeko, beka ematean izan ziren baldintza akademiko eta ekonomikoak mantendu egiten direla egiaztatu beharko da.

Laguntza hauek jasotzeko, eskatzaileek baldintza hauek bete beharko dituzte:

Baldintza orokorrak:

•  a) Deialdi honen 1. artikuluan jasota dauden ikasketen lehenengo mailan matrikula eginda egotea. Berriketa egiteko urrengo urte naturalean matrkulatuta egotea.
• b) Aurretik unibertsitateko titulaziorik ez izatea. 

Baldintza akademikoak:

• Gutxienez 54 kreditutan matrikulatu behar da (DUko araudiak kontrakorik esan ezik).

Baldintza ekonomikoak:

• 1.– Beka bizikidetza/famili unitateko errenta mugak ondoren aipatzen direnak izango dira::
   

Tabla umbrales Antxia

Familia unitateko kideak	1	2	3	4	5	6	7	8
Gehienezko errenta garbia	14.826 €	25.308 €	34.352 €	40.796 €	45.598 €	49.224 €	52.810 €	56.380 €



•  2.- Ondare eta enpresa jardueren mugei dagokienez, aurtengo ikasturterako Deustuko Beka deialdian ezarritakoa izango da kontuan.
• 3.- Gurasoak legez dibortziatuta edo bananduta egonez gero, Eusko Jaurlaritzaren Beka Deialdi Orokorrean aurtengo ikasturterako xedatutakoa aplikatuko da.
• 4.- Eskatzaileak emantzipazioa edo familiarengandik independentzia ekonomikoa adierazten badu, ziurtatu egin beharko du dudarik gabe nahikoa baliabide ekonomiko dituela independentziaz bizitzeko, baita ohiko bizilekuaren jabe dela edo alokairuan dagoela. Bestela, ziurtatutako diru-sarrerak gastuak baino txikiagoak badira, ez dela independentea frogatutzat joko da eta ukatu egingo zaio beka eskaera.
• 5.- Eskatutako laguntza ematea ukatu egin daiteke, familia/bizikidetza unitateak bizitzeko dituen bizibideak guztira justifikatzeko aurkeztutako agiriak kontuan harturik, diru-sarrerak gastuak baino txikiagoak badira, aurkeztutako eskaera edo kanpoko beste ezaugarriak ikusirik. 

EPEA: 2021eko ekainaren 1etik uztilaren 23era arte

ESKAERA EGITEKO INPRIMAKIAK

Inprimakia behar den moduan beteta, sinatuta eta beharrezko documentazioarekin eman beharko duzu Deustuko Unibertsitateko Beka Zerbitzuan, jendearentzako arretako ordutegian.

Horretarako egutegi bat egongo da web orrian, aldez aurreko HITZORDUA artzeko aukera.

Matrikula berritzen dutenak eskaera euren @opendeusto.es emailaren bidez bidale dezakete. Domeinu horretako helbidetik bakarrik onartuko dira eskaera hauek. 

Eskaera aurkezteak esan nahi du deialdiaren oinarriak onartzea, hau da, baldintza guztiak, bai eta hautagaiak ebaluatzeko eta hautatzeko ardura duen Beka Batzordearen epaia ere.

Baldintza akademikoak:

• a) Unibertsitateko ikasketen aldaketa bidezko sarbidea: Unibertsitateko ikasketa espedientea eta batez besteko nota.
• Beste guztiak ez dute inolako dokumentazio akademikorik eman behar.

Baldintza ekonomikoak:

• a) Bi gurasoen eta bizikidetza/famili unitateko beste kide konputagarrien azkenengo urte fiskalaren PFEZ aitorpenaren fotokopia osoa.
• b) Baldin eta bizikidetza/famili unitate konputagarrikoren batek ez badu PFEZ aurkeztu behar, Ogasunaren agiria aurkeztuko du, zer diru-sarrera jaso dituen zehazten duena.
• c) Bizikidetza/famili unitateak urtean izan dituen baina errentaren aitorpenean zehazturik ageri ez diren diru-sarrera guztien ziurtagiriak (pentsiokoak, langabeziakoak, sustapen-funtsetatik jasotako diru-sarrerak, etab.).
• d) Banantze edo dibortzio kasuan:

- Hitzarmen arauemailearen kopia
- Jasotako pentsioaren eguneratutako zenbatekoaren ziurtagiria edo, holakorik izan ezik, urte honetan ez dela jaso dokumentatzea edo ordaindu ez izanagatik jarritako salaketaren kopia.
- Zaintza ez duen gurasoaren azken urte fiskalaren PFEZ aitorpenaren kopia bat edo Ogasuneko ziurtagiri bat, urtaldi horretako diru-sarreren egozpenarekin.

Datu pertsonalak:

• Administrazio-egoitzaren edo erroldaren ziurtagiria. Etxean bizi diren pertsona guztiak agertu beharko dira.

Atzerriko ikasleak:

• Espainiar estatuan bizi ez diren ikasleek bizi diren herrialdeko pareko dokumentazio baliokidea ekarri beharko dute.

Beka deialdia eskatzaileen arteko lehiaketa bidez ebazten da.

Ebazteko, Beka Batzordeak ikaslearen eta familia inguruaren egoera ekonomikoa, DUra sartu aurreko ikasketetan izandako batez besteko nota, eta Unibertsitatearekiko lotura (beste neba-arrebaren bat Deustuko Unibertsitateko ikasketa ofizialak egiten edukitzea) izango ditu kontuan. Hautagaien artean berdinketarik suertatuz gero, ikaslearen eta familiaren egoera ekonomikoa lehenetsiko da.

Hautagaien ebaluazioa eta hautaketa horretarako berariaz sortutako batzorde batek egingo du. Zeregin horretarako, kanpoko aholkularitza eskatu ahal izango dute, beharrezko ikusiz gero.

Beka eskaeren ebazpena matrikularen zenbatekoaren lehenengo ordainketa egin aurretik egingo da, ahal dela. Esleitzen den deskontua matrikularen zenbatekoaren hileroko ordainketa kopuruari aplikatuko zaio, urritik maiatzera.

Deialdiaren ebazpena lehenengo ordainketa egin ondoren emanez gero, beka aplikatzetik sortzen den zenbatekoaren proportzioan banatuko da gainerako hilabeteetako ordainketetan.

Aurtengo ikasturterako esleitutako bost bekak eskabide bakoitzari eman zaion azken puntuazioaren arabera emango dira, puntuazio altuenetik baxuenera.

Beka Zerbitzuak banan-banan jakinaraziko die ikasleei ebazpenaren berri. DUko Idazkaritza Orokorrean ageri den helbide elektronikora bidaliko da horren berri, edo ikasleen estranetaren bidez.