Azken bi mendeotan, lehen mailako helmuga turistiko bihurtu dute badiaren edertasunak (Kantauriko Perla gisa ezagutzen da), itsas aurreko anfiteatro gisa duen edertasun latzak, itsasoa eta mendia pauso bakarrera izateak, bizi-kalitateak eta gastronomia ezagunak.

Historiak landuta, arrantza-herri gisa sortu zen, eta merkataritza-hiri eta gotorleku militar gisa hazi zen Napoleonen tropak indarrez sartutakoan, eta 1813an tropa anglo-portugesen borrokak ia erabat suntsitu ostean, errege-udaldien babesean, zerbitzuen hiri gisa berpiztu zen. Isabel II.ak Donostia aukeratu zuen oporretako egoitza gisa.

XIX. mendeko azken urteetan eta XX. hasieretan, Donostia hiri jantzi gisa osatu zen, zerbitzuz betea eta Espainiako iparraldeko turismoaren helmuga nagusia. Eraikinen dotorezia eta eklektikotasuna erregeen eta uneko burgesiaren gustuen isla dira, eta garaietara egokitzen jakin duen izaera bikaina ematen diote.

Jarduera kulturala jarduera turistikoaren erritmo berean hazi zen, gaur egun hiriak duen punta-puntako programazio eszenikoa eta kulturala lortu arte. Zinemaldia, Jazzaldia eta Musika Hamabostaldia dira urteko agendaren ezinbesteko hitzorduak. Horiez gain, gaikako zinemaldiak, surfaren ingurukoa (surfilm festibal) edo Giza Eskubideena, esaterako, eta arte eszenikoen arloko DFeria antzerki azoka ere antolatzen dira.

Donostia mundu mailan ezagutzen den helmuga gastronomikoa da, lurraldeak munduko beste edozein lekuk baino Michelín izar gehiago baititu metro koadroko, eta "euskal sukaldaritza berria" mugimenduaren bidez izandako euskal gastronomiaren berpizkundearen sehaska izan da. Urte guztian izaten dira donostiarren eta bisitarien gozamen-iturri lehengaien kalitatea eta mundu mailan ezagunak diren pintxoak.

Zergaitik lehiatu dugu Europako Kultur Hiriburu izateko?

Kulturaren eta balioetan heztearen alde egiten dugulako gizartea aldatzeko eta eraldatzeko. Izan ere, kultura eta balioak ezinbestekoak dira Europaren, hirien, guztion egungo erronkari aurre egiteko: jende ezberdinak elkarrekin bizitzen ikasi beharrari.

Bake-haztegi izan behar du Donostiak, eta, bertan, gizartearen erronka berriei buruz hausnartu behar dugu, elkarrekin. Esperimentuak egiteko laborategi izan behar du, ezberdin pentsatzen eta sentitzen duten pertsonen arteko eguneroko bizikidetzaren berezko gatazkei heltzeko.

Ildo horretan, argi dugu kultura ulertzeko eta egiteko moduak ere aldatu behar direla; kultura ulertzeko eta egiteko moduak aldatu behar dituztela pertsonek, sortzeko duten energiak, eraldatzeko duten ahalmenak eta hiriarekiko konpromisoak.

 
Korporazio teknologiko pribatu eta independentea da, euskal ingurune teknologikotik sortua. Gainera, nazioarteko erreferentziakoa eta hainbat Zentro Teknologikok osatua da, eta hauek dira: Azti, European Software Institute (ESI), Fatronik, Inasmet, Labein, Neiker, Robotiker. Diziplina anitzeko taldeek osatzen dituzte sektoreak, eta horri esker hobetzen da zenbait sektoreri egiten diegun eskaintza, askoz proposamen integralagoa erdiesten baitugu, askoz espezializatuagoa eta askoz bikainagoa enpresa-amaraunarentzat eta administrazioentzat. Honako arlo hauek baitaratzen ditu: Aeroespaziala, Fundizioa, Siderurgia, Nekazaritza, Infotech, Berrikuntza Sistemak, Elikadura, Hiri eta Industria Ingurumena, Informazio Gizartea, Automozioa, Ingurumena eta Natur Baliabideak, Software, Eraikuntza, Arrantza eta Itsas arloa, Telecom, Energia eta Osasuna.

 

CEIT, CIDETEC, GAIKER, IDEKO, IKERLAN, TEKNIKER eta VICOMTech erabaki ziren IK4 Aliantza eratzera, baina erakunde independenteen autonomia galdu gabe; eta, horrela, bide batez, proiektu komun batean batera aritzearen onura dute. Zortzi arlo handi dituzte bateragune: Mekatronika, Mikroteknologiak, Industri Kudeaketa eta Produkzioa, Bioteknologia, Informazioaren Teknologiak, Energia, Lehengaiak eta Prozesuak, eta Ingurumena.
 

Euskal enpresak batu, 25 sektore-enpresatan baino gehiagotan eta 14 clusterretan batzen dira. Gaur egun, euskal gizarte kapitalaren erreferente dira azken horiek, eta, bereziki, bizkaitar kapitalarenak.
Geografikoki, talde hurbilak dira Clusterrak. Izan daitezke enpresak, gobernuak eta elkarteak edo euren artean lotutako enpresak. Jarduera arlo jakin batean izaten da euren arteko lotura, eta osagarritasunek eta elementu komunek mugatzen dute arloa.
• ACEDE, Euskadiko Elektrotresnen Clusterra
• ACICAE, Euskadiko Automozio Osagaien Industrien Clusterra.
• ACLIMA, Euskadiko Ingurumeneko Industrien Clusterra.
• AFM, Espainiako Erreminta Makinen Fabrikatzaileen Elkartea.
• EZAGUTZAREN CLUSTERRA.
• ENERGIAREN CLUSTERRA
• PAPERAREN CLUSTERRA.
• EUSKAL HERRIKO ITSAS FOROA.
• GAIA, Euskadiko Telekomunikazioen Clusterra.
• HEGAN, Euskadiko Aeronautikako Clusterra.
• UNIPORT BILBAO PORTU ELKARTEA.
• BIOZIENTZIEN CLUSTERRA.
• EIKEN ikus-entzunezkoen clusterra.
• TICS Garraioaren eta Logistikaren clusterra.

 

SPRI Taldea da Eusko Jaurlaritzaren enpresa-garapenerako agentzia, eta Euskadiko enpresa-amaraunaren zerbitzura egoteko sortu zen.
Beraren helburua da euskal enpresak sustatzea eta laguntzea, edozein dirlarik ere tamaina, sektorea eta kokapena.
200 profesionalek kudeatzen dute Eusko Jaurlaritzako Industria, Berrikuntza, Merkataritza eta Turismo Sailaren aurrekontuaren % 75, eta euren kezka da diru hori banatzea zerbitzu, programa, inbertsio eta diru-laguntzen bidez.
SPRI Taldeak bi arlo nagusi ditu: Azpiegiturak eta Eragiketak.
Azpiegituretan, 4 parke teknologiko ditu eta industri zoruko elkarte bat (SPRILUR), 18 industri poligono kudeatzen dituena.
Eragiketen arloan, arrisku-kapitaleko entitate bat dago. Eta horrek honako kontuak ditu: 7 fondo, Enpresa eta Berrikuntzarako 4 zentro, 60 herritan baino gehiagotan dagoen kanpoko sare bat eta matrize bat, SPRI. Azkenak, hau da, SPRIk, dinamizatzen ditu guztiak, eta oinarritu, Industria, Berrikuntza, Merkataritza eta Turismo Sailaren Enpresa Lehiakortasunaren Planaren nondik norakoetan oinarritzen da.
Planak hiru estrategia argi eta nagusi ditu: Eutsi (abalen, maileguen eta partaidetzen bidez, krisiari eusteko), Lehiatu (teknologiaren gaineko jardunak, I+G, informazioaren teknologia, etorkizun lehiakorra prestatzeko ekintzailetza) eta Lidergoa izan (proiektu estrategikoak, sektorea eraldatzen eta dibertsifikatzen aitzindari direnak eta europar lidergoa dutenak).
Edozein kasutan ere, web honen xedea da tresna baliagarria izatea, informazio guztia eta zerbitzuak erraz eta erabilgarri heldu daitezen.
• IKUSPEGIA: “Erreferentzia izatea Europan, enpresa-amaraunaren eraldaketa lehiakorrerako Erakunde Publiko gisa".
• ZERTARAKOA: “Euskal enpresei lagundu eta bultzatzea hobekuntza lehiakorrean, eta parte hartzea berorretan. Horrela, parte hartzen da aberastasuna sortzen Euskadin eta bertako herritarren ongizatea hobetzen, giza garapen iraunkorra bultzatzen delako, Eusko Jaurlaritzaren Ekonomi Sustapenaren Politikaren arloan”.