Bilboko campusa Monumentu Historiko izendatu zuten 2002an. Balio arkitektoniko handiko hainbat eraikin ditu. Garrantzitsuena Eraikin nagusia da, estilo klasizistako etxea. Bertako elementurik nabarmenenak hauek dira: erdiko eskailera, liburutegia (gaur egun, Gradu aretoa), Kapera Gotikoa eta Paraninfoa.

La Comercial eraikina obra neoklasikoa da, eta “Kristalezko” eraikina edo “Mendeurrenekoa” 80ko hamarkadan eraiki zituzten. Azkenik, ESIDE eraikina aurreko eraikinaren arkitekto berarena da, baina estilo modernoagoa du.

Campusa bizitzeko eta ikasteko leku erosoa izan dadin nahi dugu. Lekuok errazago egiten dute hori:

- 400 leku baino gehiago aparkatzeko.
- Liburudenda egun guztian dago zabalik.
- Unibertsitate-menuak 4 euroan.

Campusa Bilboko alderik kosmopolitenean dago, itsasadarraren ertzean eta arkitekto ospetsuek diseinatutako abangoardiako eraikinen artean.

Ikasleek egun batzuk baino ez dituzte behar bertakotzeko, batez ere jakiten dutenean hondartza 20 minutura dagoela metroz eta kanpoan kirola egin dezaketela, hiria inguratzen duten mendietara igoz.

Zeuk aukeratzen duzu zelan heldu: oinez, bizikletan, tranbian, autobusean edo zeure autoan. Hainbat dira Unibertsitatea Bilboko erdigunearekin lortzen duten zubiak. Unibertsitatera metroz heltzeko, Deustuko geltokian jaitsi zaitezke edo Moyúan, biak ala biak Unibertsitatetik 10 minutura. Tranbiaren A lineako Guggenheimeko geltokian jaitsita Aita Arrupe zubiaren aurrez aurre egongo zara. Edo trena nahiago baduzu, EuskoTrenen joan zaitezke eta Unibertsitateko geltokian jaitsi.