Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Ranking-ak

U-Rankinga

BBVA Fundazioak eta Ikerketa Ekonomikoen Valentziar Institutuak egin duten U-Rankinga funtsezko atala da bi erakundeok jakintzaren papera dokumentatzeko eta aztertzeko gizarte eta ekonomia garapenean. Espainiar Unibertsitate Sistemaren Adierazle sintetikoetatik abiatuta, rankingak informazio konparatua eta ordenatua ematen du , bai emaitzen bolumenari eta ekoizpenari dagokionez, bai orokorra eta bai esparruka: irakaskuntza, ikerketa eta berrikuntza, eta garapen teknologikoa.

2017ko U‐Rankingak 61 unibertsitate jasotzen ditu (48 publikoak eta 13 pribatuak) eta 2.312 gradu aztertzen ditu guztira.

2017ko edizioan, Deustuko Unibertsitateak izan dituen emaitzak hauek dira: 5.a izan da sailkapen orokorrean; 1.a, irakaskuntzan; 8.a ikerketan; eta 16.a, berrikuntzan eta garapen teknologikoan. Gradu batzuen hautaketa baten araberako unibertsitaterik onenen sailkapenean, 10 onenen artean ageri da Enpresen Administrazioa eta Zuzendaritzako graduan, Lehen Hezkuntzan, Zuzenbidean eta Ingeniaritza Mekanikoan.

C y D rankinga

Fundación Conocimiento y Desarrollo-ren ranking-a unibertsitate espainiarren ranking-ik handiena da eta 73 unibertsitateren, 22 jakintza esparruren eta 2.235 titulazioren emaitzak eskaintzen ditu. Dimentsio ugariko ranking-a da, 5 dimentsioren inguruan 36 adierazle batez dituena. Hona hemen dimentsioak: irakas-ikaskuntza, ikerketa, jakintzaren transferentzia, nazioarteko ikuspegia eta inguruko garapenari egiten dion ekarpena.
2018ko edizioan, Deustuko Unibertsitateak goi errendimenduko 22 adierazle lortu ditu, 36 adierazletatik.
Deustuk goi errendimenduko 5 adierazle ditu irakas-ikaskuntzan eta nazioarteko ikuspegian –ikasleen mugikortasuna, nazioarteko doktorego tesiak eta titulazioak atzerriko hizkuntzan–, eta goi errendimenduko beste 2 adierazle ditu –3tik– inguruko garapenari egiten dion ekarpenean –praktikak inguruko enpresetan eta inguruko ikerketa funtsetan. Horrez gain, ikerketako bikaintasuneko 5 adierazle ditu –likidatutako eta bildutako kanpoko funtsei buruzkoak, besteak beste– eta beste 3 adierazle jakintzaren transferentzian –funts pribatuak, spin off-ak eta etengabeko prestakuntzako diru-sarrerak.
Psikologia eta Gizarte Lanaren esparruetan, Deustuk % 78 eta % 37,5 egin du gora goi errendimenduko adierazle kopuruan, bi esparru horiek ebaluatu ziren azken edizioarekin (2015 eta 2016, hurrenez hurren) konparatuta. Bi esparruetan dago Deustu Espainiako bost unibertsitate liderren artean. Gizarte Hezkuntzako esparruan lehenengoz ebaluatua izan da 2018an, eta goi errendimenduko 6 adierazle jaso ditu. 

U-Multirank rankinga

Europako Batzordeak prestatutako unibertsitateen mundu mailako lehenengo rankinga da. U-Multirank-ek 99 herrialdetako 1.500 goi hezkuntzako erakunderen inguruko informazioa jasotzen du. Zerrendak bost arlotan aztertzen ditu unibertsitateak: ikerketan, irakasleen eta irakaskuntzaren kalitatean, nazioarteko orientazioan, jakintzaren transferentziako arrakastan eta eskualdeko ekonomia hazkundean egiten duten ekarpenean.

Erakunde mailan, Deustuko Unibertsitateak gorengo kalifikazioko (“very good”) 10 adierazle jaso ditu, 35etatik. 2017an 9 baino ez zituen lortu 31 adierazletatik. Gainera, beste 11 adierazletan jaso du “good” kalifikazioa.

“Very good” gorengo kalifikazioa lortu duten adierazleak hauek dira: Ikasleen mugikortasuna, Spin off-ak, Gradudunek sortutako enpresak, Akordioak – ikerketako hitzarmen estrategikoak, Iturri pribatuetako diru-sarrerak (pertsonal akademikoak lortuak), Diru-sarrerak etengabeko prestakuntzan (guztizko diru-sarreren %koa), Eskualde garapena – Eskualdeko diru-sarrerak, Graduazioa arauzko denboran (graduan), Ekoizpen artistikoa, Argitalpen profesionalak.

Deustuko Unibertsitateko Ingeniaritza Informatikako ikasketak 2017ko edizioan sartu dira rankingean eta gorengo kalifikazioa (“very good”) 5 adierazletan jaso dituzte, eta beste 4 adierazletan, “good” kalifikazioa.

Deustuko Unibertsitateko Enpresen Administrazioa eta Zuzendaritzako ikasketek 3 adierazletan jaso dute "very good" kalifikazioa eta 11tan, "good", 2017ko edizioan. 2014ko edizioan, 3 adierazletan jaso zuten “very good” gorengo kalifikazioa eta 2tan, “good” kalifikazioa.

Everis Fundazioaren Unibertsitate-Enpresa rankinga

Ranking honek informazio objektiboa eman nahi du unibertsitateak gizartearekin duen loturaz, bereziki enplegu eta aurrerapen ekonomikoaren aldetik. Horretarako, Espainiako 10 hezkuntza zentrorik onenak identifikatzen ditu (publikoak eta pribatuak), ikasleek enpresa munduari buruz eskuratutako gaitasunak zelan egokitzen diren enplegu emaileen iritzien ikuspuntutik kontuan hartuta. Ikerketak estatu mailako 3.545 enpresatako kontratazioko arduradunen iritzia hartzen du kontuan (ez dira sektore publikokoak eta 10 langiletik beherako enpresak kontuan hartzen). Espainiar enpresek kontratatutako 17.769 tituludunetan oinarritutako ebaluazioa egiten du, eta 79 unibertsitatek emandako 99 titulaziorena (graduondokoak eta doktoregoak alde batera utzita).

2017ko edizioan, Deustuko Unibertsitateko Enpresen Administrazio eta Zuzendaritzak 1. tokia du estatu mailan, enpresen beharrizanetara egokitutako gaitasunei loturik.

Enpresen Administrazio, Ekonomia eta Zuzenbideko arlo orokorrean, Deustuko Unibertsitatea 3. tokian dago estatu mailan.

Eduniversal Rankinga

Eduniversalek urtean bi sailkapen global egiten ditu: alde batetik, 1000 Negozio Eskolarik onenen rankinga 9 esparru geografikotako 154 herrialdetan (www.eduniversal-ranking.com); eta, bestetik, 4000 Master eta MBA onenen rankinga, 9 inguru geografikotako 154 herrialdetako 32 ikasketa esparrutan (www.best-masters.com). Rankinga sortu da 9 kide aditu independente dituen Nazioarteko Batzorde Zientifikoaren ikuskaritzapean.

Azken edizio honetan, Deusto Business School Bikaintasuneko 4 Palma adarren kategorian dago – nazioarteko eragina duen Top Business Schoolen mailan kokatuta.

Horrekin batera, 4000 Master eta MBA hoberenen rankingaren azken edizioan, Deusto Business Schooleko Master In Business Innovation (MBI) “Top 200 Regional Ranking within the 9 geographical zones” sailkapeneko 33. tokian ageri da.

El Mundo-ren rankinga

50 karrera txostena: Ikasleek gehien eskatzen dituzten estatu mailako 50 graduak eta gradu horiek egiteko 5 unibertsitaterik egokienak jasotzen ditu.
2017ko edizioan, Deustuko Unibertsitatea 3. tokian dago Gizarte Hezkuntzako ikasketetan.

250 masterrik onenen txostena: Ikasleek gehien eskatzen dituzten estatu mailako 250 masterrak eta master horiek egiteko 5 unibertsitaterik egokienak jasotzen ditu.
2018ko edizioan, Deustuko Unibertsitatea 6. dago sailkatuta masterretan.

  • 2. tokian geratu da Nazioarteko Ekintza Humanitarioko Masterra (Lankidetza arloa);
  • Adingabekoak gizartean babesik gabe edota gatazkan daudenean esku hartzeko eta bitartekotza egiteko Unibertsitate Masterra (Familia eta integrazioa), Kontu Ikuskaritzako Masterra (Auditoretza) eta Hezkuntza Premia Berezietako Masterra (Espezialitateen arloa) 3. tokian geratu dira.
  • Eta 4. tokian geratu da Europako eta Nazioarteko Enpresen Kudeaketako Unibertsitate Masterra (Enpresa arloa) eta Enpresa Zuzenbideko Masterra (Zuzenbide arloa).

Sareetako eraginaren rankinga: El Mundo-k egindako ikerketa horretan, Deustuko Unibertsitatea sareetan eraginik handiena duten 10 unibertsitateen artean dago, zehazki 5. tokian.

Ikusi “Sareetan eraginik handiena duten 10 unibertsitateak” epigrafeari dagokion grafikoa hemen: El Mundo rankinga

Unibertsitateen gardentasuna eta gobernu ona. Gardentasunaren azterketa

Compromiso y Transparencia Fundazioak urtero prestatzen du Informe de transparencia y buen gobierno de las universidades. Examen de transparencia. Txostenaren helburua da unibertsitateek bertako jarduera nagusien eta emaitzen berri webean zein puntutaraino ematen duten neurtzea.

Argitaratutako azkeneko txostenean, Deustuko Unibertsitateak gardentasuneko 23 adierazle positibo ditu 26tatik. Horrenbestez, Estatuko unibertsitate pribatuen artean gardentasun adierazlerik gehien duena da.

Irakaskuntzaren bikaintasuneko Global Teaching Excellence Award saria

Deustuko Unibertsitatea 2018ko Global Teaching Excellence Award sariko munduko 6 onenen taldean dago. Saria irakaskuntza arloko bikaintasuna aitortzeko ematen dute Advance Higher Education eta Times Higher Education ospe handiko erakunde britainiarrek.

2018ko edizioan mundu osoko 300 unibertsitatek baino gehiagok hartu dute parte.

Advance Higher Education Erresuma Batuko erakunderik ospetsuenetarikoa da adierazleetan oinarritutako goi mailako hezkuntzako bikaintasuna bilatzen. Times Higher Education-ek, bere aldetik, ia 50 urteko esperientzia du eta munduko liderra da munduan eraginik handieneko unibertsitate ranking-etarako goi mailako hezkuntzako datuak biltzen.