Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Plan estrategikoa

Aurrekariak

Deustun orain arte gauzatu diren plan estrategikoetan, Unibertsitateko arlo garrantzizkoak finkatu dira:

  • 2000-2003. Pentsamendu estrategikoa erantsi zitzaion Unibertsitateko jardunari.
  • 2003-2007. Deustuko Hezkuntza Eredua ezarri eta berrikuntza teknologiko sakona egin zen geletan. 
  • 2007-2010. Europako Unibertsitate Eremura egokitzeko lana egin zen: gradu eta graduondoko berriak ezarri eta Fakultateak berrantolatu ziren.
  • 2011-2014. Ikerkuntzari bultzada eman zaio; beste unibertsitate batzuekin itunak egin dira (Jesulagunen munduko unibertsitate sarea –Jesuit Higher Education–, UNIJES; Aristos Campus Mundus Bikaintasun Campusa); eta eskaintza akademikoa zabaldu da titulazio eta programa konbinatu berriekin (gradu bikoitzak).

Denbora horretan zehar, Deustuk unibertsitateko elkartearentzako hainbat prestakuntza plan sustatu ditu arrakastaz, bai gure Izaera eta Misioari dagokionean, baita irakaskuntza, ikerkuntza eta teknika zereginei lotutako arloetan ere. Horrez gain, Unibertsitateko espazioak moldatu eta zabaldu egin dira bi campusetan, eta zerbitzuetan ere hobekuntza nabarmenak egin dira. 

Plan horien guztien ebaluazioan nabaritu da benetan estrategikotzat jo dezakegun horretan jarri behar dela begirada eta ardatza, lortutakoen garapena eta egunerokoaren kudeaketa egokia alde batera utzi gabe.

Hainbat kontsulta eta parte hartzeko dinamika egin dira unibertsitateko elkartearekin, gizartearekin, pertsona aipagarriekin, kanpoko eta barneko erakundeekin; eta horiek guztiak kontuan hartuta, erronka bikoitza ageri zaigu:

  • Alde batetik, egiten duguna hobetu beharra dugu, irakaskuntzaren eta ikerketaren bikaintasuna iristeko eta ezinbestekoa zaigun bideragarritasun ekonomikoa lortzeko.
  • Eta, bestetik, gizartearentzako zerbitzu misioa berraztertu beharra dugu, egungo erronkei erantzuteko: balioak, humanismoa, erronka teknologikoa, globalizazioaren eraginak, bizitzan zeharreko prestakuntza, enplegagarritasuna…

Eta, hori guztia egin behar dugu gure unibertsitateko elkartearen gogobetetasuna aintzat harturik, gustura jardun dezan egiten dituen zereginetan eta lan-baldintzetan.

Deusto: Zerbitzua eta konpromisoa

Zerbitzuak, unibertsitateko testuinguruan, eskatzen du ikasleei eta gizarteari erabateko ardura eskaintzea, ezagutzatransferentzia, balioei buruzko prestakuntza eta lanbidetrebakuntza bitarteko direla.

Konpromisoak eskatzen du besteekiko obligazioa izatea, lankidetzarako espazio berriei ateak zabaltzea; eta, gure kasuan, konnotazio etikoa ere bai, pertsonek elkar harturik lan egiteko.

Jesulagun izaerak berekin dakarren zerbitzu eta konpromiso plan hau da, Elizaren unibertsitate garen aldetik, egungo testuinguru ugariari egiten diogun berariazko ekarpena.

Ildo eta helburu estrategikoak

Planak hiru ildo estrategiko ditu, bizimodu akademikoaren berezko lau ekintzaesparruak argitu behar dituenak: irakaskuntza; ikerkuntza, transferentzia eta gizartearentzako zerbitzuapertsonak eta erakundea bera.

Ildo estrategiko bakoitzean lau helburu estrategiko zehaztu dira.

1. ildoa. Justizia sozialarekiko konpromisoa

Ildo honi lotutako helburu estrategikoak:

  • 1. Ikasle konprometitu eta trebeak
  • 2. Ikerketa estrategikoa
  • 3. Gizartea eraikitzen duen unibertsitatea
  • 4. Unibertsitate zerbitzurako prestakuntza

2. ildoa. Garapen jasangarrirako zerbitzua

Ildo honi lotutako helburu estrategikoak:

  • 5. Erronka berriak, ikasketa berriak
  • 6. Ikerketa bikaina - lehiakorra
  • 7. Hazkuntzarako lankidetza
  • 8. Elkarlana

3. ildoa. Misiorako erakundea eta pertsonak

Ildo honi lotutako helburu estrategikoak:

  • 9. Irakaskuntzako baliabideen eraginkortasuna
  • 10. Ikertzeko bokazioa
  • 11. Bideragarritasuna zerbitzatu ahal izateko
  • 12. Arrazionalizatzea eta merezimenduak aitortzea

Proiektuak

 

tabla
 Proeiktuak
Zeharkako proiektuak P1 Misiorako pertsonak  P2 Misiorako erakundea  
Unibertsitatearen lehenengo eginkizuna P3 Gizartea aldatzeko ikasleak P4 Inguru berrirako titulazioak P5 e-Campus 
Unibertsitatearen bigarren eginkizuna P6 Excelience research & transfer                              
Unibertsitatearen hirugarren eginkizuna P7 Unibertsitatearen gizarte erantzukizuna P8 Social Engagement