Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu
2019ko irailak 27Bilboko Campusa

Deustuko Unibertsitateak bat egingo du klimaren aldeko mundu mailako mobilizazioarekin

Ikasle batek eman zion hasiera Bilboko ekitaldiari, ongietorri batekin, eta gogora ekarri zituen Frantzisko Aita Santuaren Laudato Si entziklikako hitzak. "Klima aldaketa arazo globala da, dimentsio larriak ditu ingurumenean, gizartean, ekonomian eta banaketan eta politikan, eta gizateriarentzat egungo erronka nagusietako da". Horretaz gain, adierazi zuen ekintza honen bidez "lider politikoei erakutsiko diegu mundu guztiko unibertsitateetako ikasleok bat egiten dugula Fridays for Future eta Ecojesuits-ek sustatutako Klimaren aldeko Nazioarteko Mugimenduarekin.Gure ekintzak garrantzitsuak dira eta guztiek egiten dute ,guztiok egin dezakegu asko”.


Horren ondoren, SOS hitzak zeuden lurrean marraztuta eta parte hartzaileek osatu zituzten letrak. Bitartean, Laudato Sì eta abesti esanguratsu batzuen zati batzuk irakurri ziren. Amaitzeko, José María Guibert errektoreak adierazpen hau irakurri zuen: "Gaurkoa unibertsitate elkartearen aurrerapauso bat da. Larrialdi klimatikoaren aurrean gure erantzukizuna sustatzeko urratsa da, baita gizateria modura dugun erronkaren aurrean aktiboki konprometitzeko beharraren erakusgarri ere.

Ekintza honen bidez, hezkuntza zentroak lagundu egin nahi du larrialdi klimatikoaren aurrean duen erantzukizunaz jabetzen, baita gizateriaren aurrean dugun erronka honekin modu afektibo eta eraginkorrean konpromisoa hartzeko ere. Gure unibertsitatean, ekimen pertsonal eta lan-unitate batzuen lan eskergarekin batera, Gizarte Erantzukizun arloa dugu 2015etik.

Unibertsitateak bat egin du ekimen honekin, Ecojesuit-ek gonbidatuta. Jesuitek sustatzen duten aldizkari digital horrek gure bizi estiloak eta klimaren egoera larriak duten loturaren inguruan kontzientzia zabaltzeko egiten du lan, sentiberatasun ekologiko eta ekimen globaleko konpromisoa sortzeko.
 


27/09/2019 - La Universidad de Deusto se suma a la movilización mundial por el clima