Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu
2018ko urriak 17Bilboko Campusa

Francisco J. Riberas Gestamp-eko presidenteak automobilaren sektorearen eraldaketa digitalaz hitz egin du DeustoForumen

 

Automobilaren sektorea estrategikoa da herrialderik garatuenetako guztien ekonomian. Urtean 97 milioi ibilgailu egiten dira urtean munduan, eta azken hamarkadan % 30 igo da kopuru hori. Sektoreak 9 milioi pertsonari ematen die lana, industria enpleguaren % 5i eta zeharkako beste 50 milioi pertsonari. Hiru fabrikatzaile daude munduko baliotsuenen artean, ekonomia digitaleko erraldoiak gainetik dituztela. Euskal Herrian, zehazki, ekonomiaren % 25 ordezkatzen du eta 41.000 pertsonari ematen dio enplegua.


Azken batean, ekonomian garrantzi estrategikoa duen sektorea da, baina baita herritarren eguneroko bizitzan ere. Udaro 90 milioi joan-etorri egiten dira errepidez eta urtean 260 ordu inguru ematen ditugu autoz ibiltzen. Ibilgailuok dira CO2 ekoizpenaren % 16ren arduradun, eta auto istripuak 10 heriotza eragile nagusienen artean daude.
Teknologia eta, bereziki digitalizazioa, sekulako eragina izaten ari da automozioaren sektorean. Bestalde, fabriken digitalizazioak, 4.0 industria esan ohi diogunak, orain arte ezagutzen ez zen eraginkortasun, kalitate eta pertsonalizazio mailan jarriko du ibilgailugintza.


Bestalde, ibilgailuen elektrifikazioari eta digitalizazioari esker, autoari lotutako gizarte ereduak eta negozioak moldatu ahal izango dira. Kaleak auto konektatuz eta ibilgailu autonomo partekatuz beteko dira. Horrek ibilgailuen erabiltzaileen esperientzia, autoaren jabetza kontzeptua aldatuko ditu eta kutsadura eta bolanteko heriotzak desagertaraziko ditu.


Francisco Riberasek, Gestamp-eko presidente exekutiboak, ibilgailuaren sektoreko espainiar konpainiarik handienekoak, urriaren 17an hartu zuen parte Deusto Forumen. “La tecnología como factor de competitividad” izeneko hitzaldian, automobilaren sektoreko gakoez eta 4.0 industriaren aldeko apustuaz hitz egin zuen, funtsezkoak lehiakortasunerako, baita automozioaren sektorearen iraultza digitalaren ondorioz nabarmentzen hasi diren inguru disruptiboez ere.


Hurrengo hitzaldiak


Ziklo horretan beste hitzaldi batzuk ere izango dira: Ignacio Sánchez Galán Iberdrolako presidente eta kontseilari delegatuarena (2019-02-28); Isabel Celaá Espainiako Gobernuko Hezkuntza eta Lanbide Heziketako ministro eta bozeramailearena (data zehaztu gabe dago); eta Carlos Torres BBVAko kontseilari delegatuarena (2018-11-05).
 

17/10/2018 - Conferencia DeustoForum del presidente de Gestamp Francisco J. Riberas