Deusto Ikastetxe nagusia

Banakako 270 logela ditugu graduko ikasleentzat, eta 32 graduatu ondokoentzat, irakasleentzat, etab. Guztiek ematen dute kanpo aldera, eta bainugela, telefonoa eta wifia dituzte. Garbiketa astero egiten da. Astero ematen da oheko arropa eta eskuoihalen sorta osoa. Tarifak berokuntza, mantentze, ur eta argi zerbitzuak hartzen ditu barne .

Logelen solairu guztiek daukate egongela argitsua eta sofak, telebista, hozkailua eta lanerako mahaiak daude, solairu bakoitzeko ikasleek erabil ditzaten. Solairu guztietan dago arropa eskegitzeko eta lisatzeko gunea eta sukaldea.

Graduko ikasleentzako tarifaren barne daude pentsio osoa, gosaria, bazkaria eta afaria, jangela orokorrean, astelehenetik igandera. Gure sukaldeetan prestatzen dugu janaria, eta elikadura orekatua mantentzen laguntzen duten menuak ditugu.

Ikastetxe Nagusiak 3 ikasgela eta taldean lan egiteko gelak ditu, baita aisialdirako gune zabalak ere, eta billarra, ping-pong mahaia, futbolinak, telebista eta vending makinak daude. Bi gimnasio zabal, areto bat pianoarekin, Oratorioa eta Arte Ederretako aretoa ere badaude gune partekatuetan. Edozein ordutan inprima daiteke, online inprimatzeko zerbitzuari esker.

Ikastetxeko ikasleek Deustuko Unibertsitateko kirol instalazio guztiak erreserbatu ahal izango dituzte, baita bertako CRAI liburutegia erabili ere, Deustuko Ikastetxe Nagusian daudelako.

Kirol instalazioak

CRAI liburutegia

Ikasturteari hasiera emateko, Ikastetxe Nagusiak elkarbizitzarako jarduerak antolatzen ditu, ikasle berriek elkar ezagutu dezaten eta aldi berean, euren bizilekua izango denaren berri izan. Jarduera biziko hiru egun horietan, Ikastetxe Nagusiko bizitza ezagutzea eta jolasa eta dibertimendua uztartzen dira.

Ikastetxe Nagusiko Fede eta Espiritualtasun arloak laguntza, prestakuntza eta esperientziak eskaintzen dizkie ikasleei, kristau fedea hobeto ezagutzen eta bizitzaren dimentsio espiritualean sakontzen laguntzeko. Horretarako, domekako eukaristiaz gain, berariazko prestakuntza duten langileak ditugu.

Ikastetxe Nagusian gure ikasleek konpromiso soziala har dezaten nahi dugu, eta mundu bidezkoagoa eraikitzen laguntzera animatzen ditugu, ikasturtean zehar praktikara eraman dezaketen elkartasunarekin eta boluntariotzarekin lotutako ekintza zehatzen bidez.

Gazteria kontzienteagoa, arduratsuagoa eta naturaren zaintzan inplikatuagoa izatea da Ikastetxe Nagusiaren hezkuntza proiektuaren helburuetako bat. Horregatik, ikasturtean zehar, ikasleek ingurumena zaintzearekin zerikusia duten hainbat jarduera antolatu eta egin ditzaten bultzatzen dugu.

Ikasleek Ikastetxe Nagusiak antolatutako kultur ekitaldietan parte hartzen dute, adibidez, gizarteko, enpresako edo kulturako pertsona ospetsuek ikasleekin hitz egiten dute solasaldietan. Ikasleek beraiek sustatzen dituzten ekimenak ere badaude, hala nola zine-kluba, lehiaketak, tailerrak, Gabonetako Kontzertua edo afari tematikoak.

Ikastetxe Nagusiak kirola sustatzen du, ikasleek berek antolatzen dituzten txapelketen eta kirol jardueren bidez, eta haien eskura jartzen ditu Ikastetxe Nagusiko eta Deustuko Unibertsitateko kirol baliabideak eta instalazioak.

Ikasturtearen bigarren erdian, Ikastetxe Nagusiko beka ezarriko zaie bigarren urteko ikasleei. Deustuko Unibertsitateko Paraninfoan egiten den ekintza akademikoa da, eta bikaintasun bereizgarria ematen die Ikastetxe Nagusian emandako urteei. Horretarako, kontuan hartzen dira emaitza akademikoak, Ikastetxe Nagusian parte hartzea eta ikastetxeak sustatzen dituen balioak asimilatzea.

Deusto Ikastetxe Nagusiko kide izateak aukera ematen die ikasleei Deustuko Unibertsitateak Deusto Campusen bidez eskaintzen dituen eskolaz kanpoko jardueretan parte hartzeko, bai eta zentroarenak diren jardueretan ere.

Ezagutu Deusto Campus