Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Sarrera probak

Sarrera probak 2018-2019 ikasturterako

Deustuko Unibersitateko Graduko Ikasketan sartzeko, sarrera-proba bereziak egin behar dira (Teologiako Fakultateko ikasketetarako izan ezik). Sarrera-eskaera noiz aurkezten duzun, sarrera-proba deialdi batean edo bestean egingo duzu, eta eskaeraren ebazpena ere lehenago edo geroago jasoko duzu.

Sarrera-Probak ikasketa guztietarako atal orokorra du eta, gradu batzuetarako, beste atal berezi bat.

  • Proba orokorrak:

Test psikoteknikoa:
Arrazoibide mota batzuk (hitzezkoa, abstraktua, etab.) neurtzen ditu test motako galderen bidez.

Ingeleseko proba:
Test motako galderak. Proba hau ikaslegai guztiek egin behar dute, sarrera-eskaerarekin batera ingeles-maila egiaztatzen duten agiriak aurkeztu dituztenek barne. Enpresen Administrazio eta Zuzendaritzako Graduan, Nazioarteko Harremanetako Graduan eta ikasketa horietakoren batekin osatutako programazio bateratuetan sartzeko, B2tik gorako maila gomendatzen da ingeleseko proban.

Gaitasun proba:

DUk garrantzizkotzat jotzen dituen sei gaitasunetan ikaslegaiek zein maila duten neurtzen du. Pentsamendu kritikoa, talde lanerako gaitasuna eta pertsonen arteko komunikazioa dira gaitasun horietako batzuk.

  • Proba bereziak

Matematikako testa:
Batxilergoko modalitateetan komunak diren Matematikako ezaupideak neurtzen ditu.

Euskarako testa:
Euskara maila neurtzen du. B2 maila behar da onartua izateko.

Idazlana:
Emandako gai baten gainean denbora neurtuan eta ikasketa bakoitzerako eskatutako hizkuntzan.
 

Kontsultatu sarrera-eskaerako argibideak ikusteko zer proba egiten diren gradu bakoitzerako edo programazio bateratu bakoitzerako (PB).